"Barselona" va Dortmundning "Borussiya" klublari Markus Reshford uchun kurash olib borishmoqda.

Insayder Fabritsio Romano xabariga ko'ra, "Manchester Yunayted" hujumchisining agenti bugun Lissabonda kataloniyaliklar sport direktori Deku bilan uchrashgan. "Barselona" Reshfordga qiziqish bildirmoqda, hujumchining o'zi ham Kataloniya klubiga o'tishga tayyor, ammo hujumchining transferi Erik Garsiya va Ansu Fati kelajagiga bog'liq. "Borussiya" ham Reshfordga qiziqish bildirmoqda.

Jurnalist Ben Jeykobsning qayd etishicha, hozirda dortmundliklar Markusni qo'lga kiritish imkoniyati yuqoriroq, lekin "MYu" forvardi "Barselona"ga o'tishni afzal ko'radi. "Borussiya" transferni o'tgan qishda Jeydon Sanchoni ijaraga olgandek shartlar asosida amalga oshirish niyatida.