"Barselona" bosh murabbiyi Xavi Ernandes o'z jamoasining Chempionlar ligasining o'tgan mavsumdagi o'yiniga baho berdi, kataloniyaliklar "Bavariya", "Inter" va "Viktoriya" jamoalari bilan guruhda uchinchi o'rinni egalladi.

"O'tgan mavsumda biz Chempionlar ligasida o'yin sifati bo'yicha yaxshi o'ynadik, ammo natijalar bo'yicha emas. Hozir esa biz kuchaydik va nimalarga qodir ekanimizni ko'rsatishga tayyormiz", - dedi Xavi matbuot anjumanida.

Eslatib o'tamiz, yangi Chempionlar ligasida “Barselona” Belgiyaning “Antverpen”, “Shaxtyor” va “Portu” klublari bilan bir guruhdan joy oldi. Xavi Ernandes shogirdlari ilk uchrashuvni ertaga "Antverpen"ga qarshi o'tkazadi.