Ispaniya qirollik futbol federatsiyasi "Barselona" himoyachisi Jerar Pikega nisbatan intizomiy ish ochdi. Bunga futbolchining hakamlar borasida aytgan fikrlari sabab bo'ldi.Yaqinda Pike ispaniyalik hakamlarning aksariyati "Real"ga yon bosishini aytib o'tgan edi. Federatsiya esa mazkur ish bo'yicha surishtiruv o'tkazishga qaror qildi va maxsus komissiya tashkil qildi. Jerar mazkur fikrlari uchun jarimaga tortilishi hamda 4-12ta o'yinga diskvalifikatsiya qilinishi mumkin.Ma'lumot o'rnida. Jerar Pike joriy mavsumda barcha musobaqalar doirasida 10ta o'yinda maydonga tushib, bitta gol urdi. Tizzasidan olgan jarohat tufayli u noyabr oyidan buyon maydonga tushmayapti.