"Manchester Yunayted" bosh murabbiyi Erik ten Xag hujumchi Antoni Marsyal va yarim himoyachi Skott Maktominayning "Barselona"ga qarshi Evropa ligasi 1/16 finali birinchi uchrashuvida ishtirok eta olishiga ishonmayapti.

"Menimcha, Marsyal va Maktominay "Barselona" bilan o'yinda tiklanish uchun vaqt topa olmaydi" - dedi Ten Xag matbuot anjumanida.

Eslatib o'tamiz, ikkala futbolchi ham hozirda jarohatlarini davolamoqda va hali to'liq maydonga qaytishdan yiroq. “Barselona” va “Manchester Yunayted” so'nggi bor 2018/19 yilgi Chempionlar ligasining chorak finalida to'qnash kelishgan. O'shanda kataloniyaliklar umumiy hisobda 4:0 hisobida g'alaba qozonishgandi.