Faoliyati davomida yarim himoyachi Miralem Pyanich ikki yirik futbol yulduzi - Krishtianu Ronaldu va Lionel Messi bilan birga o'ynash baxtiga muyassar bo'lgan.

«Men Ronaldu bilan ko'p gaplashaman. U bilan ko'p umumiy xotiralarim bor, u ajoyib futbolchi. Men u bilan ham, Messi bilan ham o'ynash baxtiga muyassar bo'ldim.

Kim kuchliroq ekanini aytish qiyin. Lekin men Messi bilan emas, balki Ronaldu bilan o'ynashdan ko'proq zavq oldim», - deya Pyanichning so'zlarini keltirmoqda O Jogo.

Hozirda Krishtianu Ronaldu Saudiya Arabistonida «An-Nasr» safida to'p tepmoqda. Messi o'z navbatida MLSdan «Inter Mayami» sharafini himoya qiladi.