Ispaniya futbol federatsiyasi La Liganing 11-turidan o'rin olgan Kataloniyaning "Barselona" hamda "Real" klublari o'rtasidagi markaziy o'yinni boshqaradigan hakamlar brigadasini e'lon qildi. Xesus Xil Mansano "El-Klasiko"ning bosh hakami etib tayinlandi.

Ispaniya futboli gigantlari o'rtasidagi o'yin 28 oktyabr kuni bo'lib o'tadi. Barselonadagi stadionda o'yin Toshkent vaqti bilan soat 19:15 da boshlanadi.

Uchrashuv arafasida “qirollik klubi" Ispaniya chempionati turnir jadvalida peshqadamlik qilmoqda. "Ko'k-anorranglilar" esa uchinchi pog'onada bormoqda.