Ispaniyada La Liganing yigirma sakkizinchi tur o'yinlari boshlandi. “Barselona” o'z maydonida “Malyorka”ni mag'lub etdi va uchrashuvdagi yagona gol Lamin Yamal tomonidan kiritildi.

O'tgan o'yindagi voqealarni Kataloniya superklubi ustozi Xavi Ernandes izohladi.

"Mehnat orqali erishilgan g'alaba. Amalga oshirilmagan penalti o'yin dinamikasini bizning foydamizga o'zgartirdi. Bu o'yinda bizda 10 yoki 15 ta imkoniyat bo'lmadi, bizda uchta yoki to'rtta imkoniyat bo'ldi va bittasini golga aylantira oldik. Buni men mehnat g'alabasi deb atayman", - dedi Xavi o'yindan keyingi intervyusida.

Chempionatning navbatdagi turida “Barselona” Madridning “Atletiko” jamoasiga qarshi bahs olib boradi.