"Barselona"ning 33 yoshli yarim himoyachisi Ilkay Gyundogan Turkiyaning "Galatasaroy" klubiga o'tish taklifini rad etdi.

Manbaga ko'ra, “Galatasaroy” prezidenti Dursun Ozbek Gyundogan bilan shaxsiy uchrashuv o'tkazishga muvaffaq bo'lgan va bu uchrashuvda futbolchi Kataloniya klubini tark etmasligini ma'lum qilgan.

O'tgan mavsumda Gyundogan barcha musobaqalarda 51 ta o'yinda qatnashib, 5 ta gol va 14 ta golli uzatmani amalga oshirgan. Futbolchining klub bilan amaldagi mehnat shartnomasi 2025 yilning yoziga qadar mo'ljallangan.