"Barselona"ning ikki futbolchisi Saudiya Arabistonidan katta taklif oldi.

Mundo Deportivo nashri xabariga ko'ra, Rafinya va Ilkay Gyundogan Saudiya klublari bilan juda qimmat shartnoma imzolashi mumkin. Manbaning xabar berishicha, har ikki futbolchi ham "Barselona"da qolish uchun Saudiya Arabistoniga o'tishdan bosh tortgan.

Avvalroq, "blaugranalar" Rafinyani sotib, Gyundoganni o'zida saqlab qolmoqchi ekanligi haqida mish-mishlar tarqalgan edi. Rafinya "Manchester Yunayted"ga o'tishi mumkinligi haqida xabarlar tarqalgan edi. Avvalroq braziliyalik futbolchi Angliya Premer-ligasida "Lids" tarkibida o'ynagan. Qanot futbolchisi ikki yil oldin "Chelsi"ga o'tishi mumkin edi, ammo yakunda "Barselona"ni tanladi.