"Xetafe" bosh murabbiyi Xose Bordalas "Barselona" ustozi Xans-Diter Flik va Kataloniya klubi prezidenti Joan Laportaning tanqidlariga javob berdi.

"Flik va Laporta mening uslubimni tanqid qildimi? Qachonki, g'alaba qozonishni to'xtatsangiz, xuddi g'alaba qozongan vaqtingizdek hurmatda bo'lishingiz kerak... Hurmat qilmaganlar hurmatga loyiq emas", - dedi Bordalas Barca Universal bilan suhbatda.

Eslatib o'tamiz, 18 yanvar kuni "Barselona" "Xetafe"ni mag'lub eta olmadi. Ispaniya chempionatining 20-turidan o'rin olgan uchrashuv 1:1 hisobida yakunlandi. Keyingi turda “Xetafe” safarda “Real Sosedad” bilan, “Barselona” esa “Valensiya” bilan o'ynaydi.