"Barselona" darvozaboni Voytsex Shesni Chempionlar ligasi doirasida "Benfika"ga qarshi o'yinda (5:4) o'z xatolarini xotirjam qabul qildi.

Kataloniyaliklar yakunda kiritilgan uchta gol evaziga g'alabani qo'lga kiritishdi. Bungacha Xans-Diter Flik shogirdlari jiddiy muammolarga duch kelayotgandi: birinchi bo'limdayoq Voytsex Shesni ikkita qo'pol xatoga yo'l qo'ydi, birorta seyv ijro etmadi. Diario AS xabariga ko'ra, darvozabon o'z xatolariga xotirjam munosabat bildirgan. U hattoki, tabloda 3:1 hisobi "Benfika" foydasiga bo'lib turgan vaqtda ham, tanaffus vaqtida jamoadoshlariga dalda berdi.

Voytsex Shesni oktyabr oyida "Barselona"ga o'tgan edi. U "blaugrana" uchun to'rtta o'yin o'tkazib, beshta gol o'tkazib yuborgan.