Chorshanba kuni Chempionlar ligasi 1/8 final dastlabki o'yinida "Benfika" o'z maydonida "Barselona"ni qabul qiladi. Yanvar oyida jamoalar Lissabonda turnirning umumiy bosqichida to'qnash kelishgandi. O'shanda kataloniyaliklar 5:4 hisobida g'alaba qozongan. O'sha o'yin haqidagi savolga "ko'k-anorranglilar" bosh murabbiyi Xans-Diter Flik javob berdi.

– Chorshanba kungi o'yin yanvardagiga o'xshaydimi?

- O'ylaymanki, biz o'z g'oyamiz bilan o'ynashda davom etamiz. Ko'ramiz, nima bo'larkin. Umid qilamanki, birinchi bo'limda yaxshiroq qarshi hujumga o'tib, raqib hujumini to'xtata olamiz. Bu qiyin o'yin bo'ladi va biz o'tgan safargidan yaxshiroq o'ynashga harakat qilamiz," - dedi Flik jurnalistlarga.