«Barselona» yarim himoyachi Serxio Busketsni o'z safida saqlab qolmoqchi.

Jurnalist Toni Xuanmartining ijtimoiy tarmoqlarda yozishicha, Kataloniya klubi 34 yoshli futbolchiga 1+1 sxemasi bo'yicha yangi shartnoma taklif qilgan.

Agar Buskets ma'lum miqdordagi o'yin o'ynasa, qo'shimcha band faollashtirilishi mumkin. «Ko'k-anorranglilar» Serxioga yiliga sof maosh sifatida 3,5 million evro taklif qilmoqda. Endi o'yinchi qaror qabul qilishi kerak.

Eslatib o'tamiz, Serxio Buskets butun faoliyati davomida «Barselona»da o'ynagan. Yarim himoyachi Kataloniya jamoasi safida 712 ta o'yin o'tkazib, 18 ta gol urgan va 44 ta golli uzatmani amalga oshirgan.