"Bayer" markaziy himoyachisi Jonatan Ta hali "Bavariya"ga ham, "Barselona"ga ham o'tishi mumkin.

29 yoshli futbolchi mavsum yakunlangach, "dorishunoslar" safini erkin agent sifatida tark etadi, ammo faoliyatini qaysi klubda davom ettirishi borasida hali bir qarorga kelgani yo'q. Insayder Fabritsio Romanoning yozishicha, mish-mishlarga qaramay, Ta "Barselona" bilan hech qanday kelishuvga erishmagan, ammo Kataloniya grandi nemis uchun bahsdan chiqmagan. "Bavariya" ham futbolchiga qiziqishda davom etmoqda va vaziyatni diqqat bilan kuzatib bormoqda. Jonatan Ta "Bayer" safida 2015 yildan buyon to'p tepib kelmoqda.

Joriy mavsumda markaziy himoyachi leverkuzenliklar safida 46 ta o'yinda maydonga tushib, 3 ta gol va 1 ta golli uzatma muallifi bo'ldi.