Shvetsiyalik yosh vinger Runi Bardji shu yilning yozida Daniyaning "Kopengagen" klubini tark etib, ispan grandi "Barselona" safiga ko'chib o'tdi. Avvalroq, kataloniyaliklarning iste'dodli futbolchidan umidi katta ekani haqida xabarlar tarqalgan edi.

Ma'lum bo'lishicha, Angliyada futbolchini qo'lga kiritish imkoniyati uchun kamida 5 ta Premer-liga klublari o'zaro raqobatlashmoqda, xususan, ular: "Brayton", "Kristal Pelas", "Everton", "Nottingem" va "Sanderlend".

Joriy mavsumda Runi Bardji "Barselona" safida 13 ta o'yinda 341 daqiqa harakat qilib, 1 ta gol urdi va 2 ta golli uzatmani amalga oshirdi. Transfermarkt shvetsiyalik futbolchini 10 million evroga baholamoqda.