"Barselona" yarim himoyachisi Fermin Lopes o'z jamoasini La Liganing joriy mavsumida favorit deb hisoblashi yoki hisoblamasligi haqida javob berdi.

Kataloniyaliklar 18 turdan so'ng 46 ochko bilan turnir jadvalida peshqadamlik qilmoqda va "Real"ni 4 ochkoga ortda qoldirmoqda.

"Asosiy favorit deyish menga yoqmaydi. Boshqa jamoalar bilan taqqoslashni yoqtirmayman. Biz hech kimga qaramaymiz - shunchaki iloji boricha yaxshiroq o'ynashga harakat qilamiz. Albatta, "Real" - bizning asosiy raqobatchimiz, ammo o'z darajamizda qolib, hammasini to'g'ri bajarishda davom etsak, natijalar albatta keladi," - deya Ferminning intervyusidan iqtibos keltiradi Barca Universal.

3 yanvar kuni "Barselona" safarda "Espanol" mehmoni bo'ladi.