Kataloniya derbisi qaynoq o'tadi. "Espanol" "Barselona"ga qarshi o'yin oldidan ehtiyot choralarini ko'rmoqda

Kataloniya derbisi qaynoq o'tadi. "Espanol" "Barselona"ga qarshi o'yin oldidan ehtiyot choralarini ko'rmoqda

2026 yilda La Liganing ilk o'yinlaridan biri Kataloniya derbisi — "Espanol" va "Barselona" o'rtasida bo'lib o'tadi. "Estadi-Kornelya-El-Prat" stadionida qo'shni jamoani qabul qilishga alohida tayyorgarlik ko'rilmoqda.

"Diario Sport" nashrining xabar berishicha, stadion perimetri bo'ylab maxsus to'rlar o'rnatiladi — bu maydonga begona buyumlar uloqtirilishining oldini olish uchun qilinmoqda. Savol tug'iladi: nima uchun? Sabab maydonda emas, balki shaxsda — "Barselona" darvozaboni Joan Garsiyada.

Bu darvozabon joriy yozda aynan "Espanol"dan "ko'k-anorranglilar" safiga o'tgan. Shu bois muxlislar sobiq futbolchisiga nisbatan "iliq" (aniqrog'i, keskin) munosabat bildirishi mumkin va klub rahbariyati aynan shundan xavotirda.

Agar noxush holatlar yuzaga kelsa, "Espanol" moliyaviy jarimalardan tortib, tribunalarning qisman yopilishigacha bo'lgan jazolarga duch kelishi mumkin.

O'xshash yangiliklar

Izoh qoldirish

Faqat sayt a`zolari fikr bildirishi mumkin!

Bo'limlar

Eng ko'p o'qilgan

1-Fevral

28-Yanvar

31-Yanvar

FC BARCELONA O'YINLARI

Futbolchilar hayotidan (Instagram)