Markaziy himoyachi Ronald Arauxo tez orada "Barselona" qarorgohiga qaytadi.

Urugvaylik noyabr oyidan beri yo'q - unga psixologik qiyinchiliklar tufayli ta'til berilgan. Kuni kecha futbolchining safga qaytishi cho'zilib ketishi mumkinligi haqida xabarlar tarqaldi. Jurnalist Fernando Poloning yangilangan ma'lumotlariga ko'ra, vaziyat nazorat ostida: hamma narsa Arauxoning dushanba kuni jamoaviy mashg'ulotlarga kirishishini ko'rsatmoqda.

3 yanvar kuni "Barselona" safarda "Espanol" mehmoni bo'ladi. Ronald Arauxo kataloniyaliklar safidagi so'nggi o'yinini 25 noyabr kuni o'tkazgan - o'shanda u "Chelsi"ga qarshi o'yinning birinchi bo'limida (0:3) qizil kartochka olgandi.