Hujumchi Robert Levandovski joriy mavsum yakunida «Barselona»ni tark etishi mumkin. Mundo Deportivo nashrining ma'lumotlariga ko'ra, polshalik forvardni o'z safiga qo'shib olishga kamida ettita jamoa qiziqish bildirmoqda.

Gap «Yuventus», «Milan», «Liverpul», «Chelsi», «Chikago Fayr», Madridning «Atletiko» va «Fenerbaxche» klublari haqida bormoqda. Shu bilan birga, futbolchining «Barselona» bilan yangi shartnoma imzolashi ham istisno etilmaydi.

Robert Levandovski 2022 yilda «Bavariya»dan «Barselona»ga 45 million evro evaziga o'tgan edi. Uning kataloniyaliklar bilan shartnomasi 2026 yilning 30 iyuniga qadar mo'ljallangan. Joriy mavsumda polshalik yulduz «ko'k-anorranglilar» libosida barcha turnirlarda 40 ta o'yinda maydonga tushib, 17 ta gol urdi va 3 ta golli uzatmani amalga oshirdi.