«Arsenal» klubi «Barselona» yarim himoyachisi Filippe Koutinoni qo'lga kiritishi uchun jiddiy to'siq mavjud ekan. "Mundo Deportivo" tarqatgan xabarga ko'ra, "kanonirlar" braziliyalik futbolchining maosh borasida talabini qondirishga tayyor emas. Ma'lumotlarga qaraganda, hozirda Koutinoning haftalik maoshi 220 ming evroga teng.Avvalroq kataloniyaliklar "Arsenal"ga Koutino va Matteo Genduzini o'zaro almashish taklifini bergani haqida ma'lumot tarqalgan edi. Ammo Filippe o'z agentlaridan Evropa chempionlar ligasi yakunlangunga qadar o'zining transferi bilan shug'ullanmaslikni so'rgana edi. Koutino joriy mavsumni ijara asosida «Bavariya»da o'tkazmoqda. U Bundesligada 34ta o'yinda maydonga tushib, 9ta gol urdi va 8ta golga uzatma berdi.