Corriere dello Sport xabariga ko'ra, “Yuventus” yarim himoyachisi Rodrigo Bentankur “Manchester Siti” nazariga tushdi.

“Shaharliklar” markaziy yarim himoyani kuchaytirish maqsadida 22 yoshli urugvaylik nomzodida to'xtagan. Inglizlar Bentankurni yozgi transferlar vaqtida ham sotib olishga uringan, biroq Turin klubi barcha takliflarni rad etgan.

“Siti” qishki transferlar vaqtida “Barselona” bilan birgalikda Rodrigo uchun kurashishga tayyor.

Eslatib o'tamiz, Rodrigo joriy mavsum A Seriyada 7ta o'yin o'tkazib, 2ta golli uzatma berdi.