«Atletiko» bilan 2 yillik shartnoma imzolagan hujumchi Luis Suares joriy mavsumda qanday raqamda o'ynashi ma'lum bo'ldi. Urugvaylik futbolchi "matraschilar"dan 9-raqamli futbolkani qabul qilib oldi. Bungacha ushbu raqam Alvaro Morataga tegishli bo'lib, futbolchi "Yuventus"ga o'tib ketganidan keyin raqam bo'shagan edi. Eslatib o'tamiz, Luis Suares "Barselona" safidagi 6 yillik faoliyati davomida ham aynan 9-raqamli futbolkada harakat qilgan.