Angliyaning "Manchester Yunayted" klubi Kataloniyaning "Barselona" klubi bilan frantsiyalik hujumchi Usmon Dembelening transferi borasida deyarli kelishuvga erishganligi haqida AS nashri xabar bermoqda.

Manbaning yozishiga qaraganda, ushbu transfer 50-60 million evroni tashkil etadi. Dembelening transferidan tushgan mablag'ning bir qismini "Barselona" "Lion" hujumchisi Memfis Depayni sotib olish uchun sarflaydi.

23 yoshli Dembele "Barselona" tarkibida 2017 yildan beri o'ynab kelmoqda. U "ko'k-anorranglilar" tarkibida 75 ta uchrashuvda maydonga tushib, 19 ta gol kiritdi va 16 ta golga assistentlik qildi. Uning amaldagi shartnomasi 2022 yilning yozida yakunlanadi.