Iqtisodiy muammolar tufayli Kataloniyaning "Barselona" klubi rahbariyati qo'shimcha daromadlar manbasini izlamoqda.

Ispaniya matbuotining yozishiga qaraganda, kataloniyaliklar Gollivud studiyalari vakillari bilan muzokara olib bordi. "Ko'k-anorranglilar" AQSh kompaniyalari bilan kelishuvga erishmoqchi.

Ushbu usul klubga 200 million evrogacha pul ishlab olishiga yordam berishi rejalashtirilgan: 100 million - to'g'ridan-to'g'ri biror bir loyihadan va yana 100 million — biznesga sarmoya kiritishdan.

Bundan tashqari, kino sanoati vakillar bilan tuzilgan shartnoma "Barselona" tomonidan brendni dunyoga targ'ib qilish sifatida ko'riladi.