«Barselona» klubi va Argentina terma jamoasi sobiq himoyachisi Xaver Maskerano futbolchilik faoliyatini yakunlaganini e'lon qildi. «Professional futboldan ketayotganimni e'lon qilmoqchiman. Faoliyatimni Argentinada yakunlash imkoniyatini bergan «Estudiantes»ga minnatdorchilik bildirmoqchiman. Futbolchilik faoliyatimni 100 foizga o'tkazdim», — dedi Maskerano «Estudiantes» rasmiy saytiga bergan intervyusida.Maskerano «Barselona» va «Estudiantes»dan tashqari «Vest Xem» va «Liverpul» klublari sharafini himoya qilgan. U kataloniyaliklar safida 5 karra Ispaniya chempioni, mamlakat kubogi sohibi, ikki karra Chempionlar ligasi g'olibi va klublar o'rtasidagi jahon chempioniga aylangan. Xaver Argentina terma jamoasi safida Olimpiada o'yinlari g'olibiga aylangan bo'lsa, JCh-2014 finaligacha chiqqan.