Frantsiyaning "PSJ" hujumchisi Neymar klub bilan tuzilgan shartnomasini yangilashga shoshilmayapti.

"PSJ" forvardi haqiqatan ham prezident Nosir Al-Xelayfi aytganidek, rahbariyat bilan yangi shartnoma borasida muzokara o'tkazdi. Biroq, u keyinroq muzokaralarni to'xtatib qo'ydi.

Frantsiya matbuotining yozishicha, futbolchi rahbariyat oldiga shart qo'ydi. Neymar "PSJ" rahbariyatidan jamoasi safiga 2021 yilning yozida Lionel Messini olib kelishni talab qilmoqda. Agar PSJ bu shartni bajarsa, shartnomani uzaytiradi.

Avvalroq Neymarning o'zi Messini "PSJ"ga ko'chib o'tishga ko'ndirmoqchi ekanligi aytilgandi.