«Barselona» bosh murabbiyi Ronald Kuman Ispaniya chempionatining 13-turidan o'rin olgan «Levante»ga qarshi o'yin oldidan jamoadagi muammolar haqida so'zladi. «Bizga nisbatan pressing qo'llaydigan jamoaga qarshi maydonga tushamiz. Biz to'pni nazorat qilayotganimizda, vaziyat yaratayotganimizda hushyor bo'lishimiz kerak. Hafta davomida 3ta o'yin o'tkazamiz va ularning barchasida g'alaba qozonishimiz shart.«Barselona»ga nimadir etishmayapti. Li lagadagi natijalarimiz yaxshi emas. Standart vaziyatlarda, himoyada va to'pni yon chiziqdan tashlab berishda muammolarimiz bor. Ba'zida tajovuzkor bo'lishimiz kerak. Biz ko'p vaziyat yaratyapmiz, ammo ulardan foydalanish foizi past. Jamoa beqaror o'yin namoyish etmoqda. Buni yaxshilashimiz kerak. Agar buning uddasidan chiqsak, g'alaba qozonamiz. Bunga ishonchim komil», – dedi Kuman.