Kataloniyaning «Barselona» klubi bosh murabbiyi Ronald Kuman EChLning 1/8 final bosqichi uchun tashlangan qur'a haqidagi fikrlari bilan o'rtoqlashdi.

«Nima bo'lgan taqdirda ham, raqib kuchsiz bo'lmasligini tushunib turgandik. Ammo, men ikki klubning ham imkoniyatlari teng deb hisoblayman. «PSJ» - g'alaba qozonishni istaydigan va musobaqaning bosh sovrini uchun kurash olib borishni xohlaydigan jamoa ekanligini tushunib turibmiz. Lekin, biz ham ular xohlayotgan narsani istaymiz», - Kumanning so'zlaridan iqtibos keltirmoqda «Barselona» rasmiy sayti.

«Barselona» hamda «PSJ» jamoalari o'rtasidagi dastlabki uchrashuv Ispaniyada bo'lib o'tadi.