«Barselona» hujumchisi Lionel Messining Ispaniya superkubogi finalidagi ishtiroki so'roq ostida turibdi. 33 yoshli futbolchi jamoasining bugungi mashg'ulotida ishtirok etmadi. «Barselona»ning shanba kuni o'tkaziladigan mashg'ulotidan so'ng uning finalda o'ynashiga oydinlik kiritiladi. Eslatib o'tamiz, Messi mushagidan jarohat olgan bo'lib, hozirda oyog'ida og'riq his qilmoqda. «Barselona» va «Atletik Bilbao» klublari o'rtasidagi Ispaniya superkubogi uchrashuvi 17 yanvar, yakshanba kuni bo'lib o'tadi.