«Barselona» moliyaviy jihatdan muammolarga duch kelmoqda. Jamoa dekabr oyida xodimlar va o'yinchilarga maosh to'lay olmadi. Shu bois, klub qarz olishiga to'g'ri keldi. Ushbu qarz keyinroq qaytariladi. Jamoa mavsum yakunida qanday sovrinni qo'lga kiritishidan qat'i nazar o'yinchilar mukofot pullari olishmaydi. Rahbariyat iltimosiga ko'ra futbolchilar bonuslardan voz kechishdi. Eslatib o'tamiz, «Barselona»ning umumiy qarzlari milliard evrodan oshib ketdi. Jamoa mavsum-2019/20ni 488,4 million evro zarar bilan yakunladi.