«Barselona» prezidenti Joan Laporta jamoa bosh murabbiyi Ronald Kumanning klubdagi kelajagi borasida o'z fikrini bildirib o'tdi.«Hozirda Kumanning kelajagi borasida bosh qotiryapmiz. Yakunlangan mavsumni yaxshilab tahlil qilishimiz kerak. O'ylab ko'rish uchun bizga vaqt kerak edi. Bir hafta yoki o'n kundan so'ng biz yana uchrashamiz. Hozirda esa aloqada bo'lib turibmiz.Bizning maqsadimiz — shartnomani hurmat qilish. Kuman bilan muzokaralar yaxshi kechmoqda. Aguero bilan shartnoma imzolashdan oldin murabbiy bilan gaplashdik. Har qanday murabbiy qo'lostida shunday o'yinchi bo'lishini istaydi», — dedi Laporta.Kumanning "Barsa" bilan amaldagi shartnomasi 2022 yilning yozida yakuniga etadi.