Pandemiya sabab, Evro-2020 musobaqasi ham, Amerika kubogi ham 2021 yilda o'tkazilmoqda. Mana salkam bir oydan beri futbol muxlislarining bor e'tibori mazkur musobaqalarga qaratilagan. Ammo, ushbu qit'a chempionatlari sabab yozgi transferlar oynasi vaqtida amalga oshgan ko'pgina shartnomalar unchalik katta shov-shuvlarga sabab bo'lmadi. Hozir esa biz sizlarga Evro-2020 va Amerika kubogidagi to'xtalish paytida mazkur transferlar haqida yana bir bor eslatishga qaror qildik.

Jeydon Sancho ("Borussiya D" - "Manchester Yunayted")

85 million funt sterling

Evro-2020 paytida "Manchester Yunayted" va "Borussiya D" Jeydon Sancho transferi bo'yicha kelishib olishdi. Shartnoma bonuslar va 85 million funt sterlingni tashkil qiladi. Ushbu summaning bir qismini futbolchining sobiq klubi - to'rt yil oldin angliyalik futbolchini Bundesliga klubiga sotgan "Manchester Siti" oladi. Sancho Evro-2020dan keyin, Manchester klubida tibbiy ko'rikdan o'tadi va mazkur bitim yakunlanadi.O'tgan mavsumda Jeydon Bundesliganing 26 uchrashuvida 8 ta gol va 11 ta golli pas bergan.

Eshli Yang ("Inter" - "Aston Villa")

Erkin agent

Yang "Inter"dagi ikki yillik mavsumi davomida Antonio Konte bilan chempionlik unvonini qo'lga kiritdi va shundan so'ng, Premer ligaga qaytishga qaror qildi. U o'zi tug'ilgan shahar jamoasi "Aston Villa"ga ko'chib o'tdi. 35 yoshli himoyachi "Manchester Yunayted"ga o'tguniga qadar 2007 yildan 2011 yilgacha mazkur jamoa safida 190 uchrashuvda maydonga tushgan.

U "Aston Villa" bilan bir yilga mo'ljallangan shartnoma imzoladi, shuningdek, agar futbolchi xohlasa, uni yana uzaytirish mumkin."Aston Villa"dan ketganim kabi, ushbu klubga qaytganim ham kutilmaganda yuz berdi. Shu vaqt ichida jamoada juda ko'p o'zgarishlar bo'lib ketdi. Qiziqish haqida eshitishim bilan darhol agentimdan mazkur transferni rasmiylashtirishni talab qildim", deydi futbolchining o'zi.

Kevin-Prins Boateng (Montsa - Gerta)

Erkin agent

Kevin-Prins Boateng faoliyati boshlangan joyga qaytdi. U karerasini 2005 yilda "Gerta Berlin" jamoasida boshlagan. Shundan keyin futbolchi, "Tottenxem", "Jenoa", "Milan", "Barselona", "Beshiktosh" kabi klublarda to'p tepdi ... va endi u yana o'z uyida.

"Gerta" men uchun shunchaki klub emas. Mening faoliyatida keskin burilishga yordam bergan klub hisoblanadi. Klubga minnatdorchilik bildirmoqchiman. So'nggi yillarda men juda ko'p jamoada o'ynadim, lekin butun hayotim davomida "Gerta"dan qarzdorman. Ushbu klub doimo mening yuragimda bo'lgan", deydi futbolchining o'zi.Aftidan yarim himoyachi yolg'on gapirmagan. Sababi, uning chap ko'kragiga klub emblemasi tushirilgan tatuirovka bor.

Janluiji Buffon ("Yuventus" - "Parma")

Erkin agent

Buffon o'zining sevimli klubiga 20 yil o'tib, yana qaytib keldi. E'tibor bering! Buffon 43 yoshda va hali ham jamoa asosiy tarkibida tushishni istamoqda. Chunki, uning oldida Chempionlar Ligasida qatnashadigan ikkita jamoadan taklif bor edi. Lekin, mazkur klublar Jijiga zaxira darvozaboni bo'lishni taklif qilishdi. Ammo, Janluiji ushbu takliflarni rad etdi. Shubhasiz, italiyalik yana darvozada birinchi raqam bo'lishni xohlaydi.

Endi uning vazifasi Parmani A Seriyasiga qaytarishdir. Garchi Buffon Evro-2020ga bormagan bo'lsa ham, terma jamoaga kerakli paytda qaytishi mumkinligini yashirmayapti. U allaqachon Jahon chempionatisaralashida Italiyaga yordam berishga tayyorligi haqida aytgan.

Fikayo Tomori ("Chelsi" - "Milan")

24,5 million funt

Nihoyat Tomori "Chelsi"ni tark etdi va "Milan" bilan to'rt yillik shartnoma imzoladi. Futbolchi o'tgan mavsum "Milan"da ijara asosida to'p tepgandi va uning o'yini Italiya klubiga juda manzur bo'lgan ko'rinadi. Sababi, milanliklar mavsum tugamasidan Fikayo transferini amalga oshirish harakatiga tushib qolishgandi.

23 yoshli himoyachi o'tgan mavsumda "Chelsi" asosiy tarkibiga kira olmadi. Hatto, bunga "aristokratlar" himoyasidagi jarohatlar ham yordam bermadi. Himoyachi asosiy tarkib uchun kurashda Kurt Zuma va Tiago Silva imkoniyatni boy berdi va klubdaggi o'z o'rnini yo'qotib qo'ydi. Ammo u "Milan"ga ko'chib o'tgach, o'zini har tomonlama namoyish etdi. 17 marta maydonga tushgan futbolchi, bir marta "Yuventus" darvozasiga gol urishga ham erishgan. Ehtimol, bu londonliklar afsuslanadigan yana bir transfer bo'lishi mumkin.

Denni Rouz ("Tottenxem" - "Uotford")

Erkin agent

"Tottenxem" klubi va Angliya terma jamoasi tomonidan esdan chiqarilgan Denni Rouz o'ziga yangi klub topdi. Rouz "Uotford"da tanqidchilarining ovozini yopish uchun ham ushbu qaror juda to'g'ri.

Futbolchi 14 yilni "shporlar" safida o'tkazgan, ammo so'nggi mavsumda, Mourino bilan janjallashib qolda va maydonga tushishdan mosuvo bo'ldi. Denni avval ham "Uotford"da o'ynagan. 2009 yilda Rouz mazkur klub sharafini himoya qilgan. Futbolchi va klub o'rtasidagi yang shartnoma ikki yilga mo'ljallangan. Ko'ramiz, ehtimol Denni Rouz ismi APLda yana mashhurlik darajasiga ko'tarilar?!

Xoqon Chalxano'g'lu ("Milan" - "Inter")

Erkin agent

Ronaldu, Zeedorf, Ibragimovich, Krespo va Badjo. Va yana bir "sotqin"ga aylangan Hoqon Chalxano'g'li.

Turkiyalik pleymeyker "Milan" tarkibida 172 o'yin o'tkazib, 32 uchrashuvda gol urgan va 48 golga uzatma berishga erishgan. Futbolchi "ko'k-qoralar"dan yangi shartnomani olmaganidan so'ng, u "Inter"ga o'tishga qaror qildi va u erda turkiyalik futbolchi Simeone Inzagi bosh murabbiyligida maydonga tushadi. Shuningdek, Hoqon "Milan"ni tark etgan yagona futbolchi emas. Yaqindagina darvozabon Janluiji Donnarumma ham "rossonerilar"ni safidan ketib, "PSJ" bilan shartnoma imzoladi.

Memfis Depay ("Lion" - "Barselona"

Erkin agent

Nihoyat, mish-mishlarlar yakunlandi: Depay baribir "Barselona" futbolchisiga aylanadi. Lionel Messi, Antuan Grizmann, Serxio Aguero va Usmon Dembele kabi futbolchilardan tashkil topgan "qotil" hujumchilar qatoriga "Lion" va "Manchester Yunayted"da o'ynagan gollandiyalik hujumchi ham qo'shiladi.

Kataloniya klubida Depayga Niderlandiya terma jamoasidan tanish bo'lgan vatandoshi Ronald Kuman bilan ishlaydi.

 

 

Jamshidjon Mahmudov tayyorladi.