"Barselona" "Xetafe" bilan Karles Alenya transferi bo'yicha deyarli kelishuvga erishdi.

Yarim himoyachi 9-iyul, juma kuni Madridga borishi kerak. Shartnoma rasman 12-iyul, dushanba kuni e'lon qilinishi kutilmoqda.

"Xetafe" futbolchi uchun "Barselona"ga qancha pul to'lashi hozircha ma'lum emas. Jurnalist Matteo Moretto transfer taxminan 5 million evroni tashkil etishini ta'kidlamoqda. Oldinroq kataloniyaliklar 23 yoshli futbolchi uchun kamida 8 million evro olishni istashgani haqida xabar berilgan edi.

Alenya o'tgan mavsumning bir qismini "Xetafe" tarkibida ijarada o'tkazdi, 22 o'yinda ikkita gol urdi va ikkita golli pas berdi.

Umuman olganda, yarim himoyachi "Barselona" tarkibida 44 ta o'yin o'tkazgan.