«Barselona» uy stadioni bo'lgan «Nou Kamp» o'yingohiga muxlislar qaytishi kutilmoqda. «Marca» nashrining xabar berishicha, yakshanba kuni bo'lib o'tadigan «Real Sosedad»ga qarshi bahsga 29 803 nafar muxlis tashrif buyurishiga ruxsat etilgan.

Reglamentga binoan stadionlarning 30 foizigacha hajmi to'ldirilishi mumkin. San-Sebastyanliklarga qarshi to'qnashuv muxlislarning 17 oy ichida ilk bor «Nou Kamp»ga qaytishi bo'ladi.  Oxirgi marta 2020 yil 7 mart kuni «Real»ga qarshi bahsda kataloniyaliklar o'z muxlislari qarshisida to'p surgan edi.