Ispaniyalik tennischi Rafael Nadal argentinalik hujumchi Lionel Messining "Barselona"dan ketishiga munosabat bildirdi.

"Futbol muxlisi sifatida Leo Messi kabi yulduzning "Barsa"dan ketishi, futbolni yaxshi ko'radigan ispaniyaliklar uchun qayg'uli yangilikka aylandi. Bugun "Barselona" muxlislari va Ispaniya futboli uchun qayg'uli kun.

Men tushundimki, Messini ushlab qolish imkonsiz edi. Bilaman, "Barselona" klub tarixidagi eng yaxshi o'yinchini saqlab qolish uchun hamma narsani qildi.

Futbol olami azoblanmoqda va klub ham bundan mustasno emas", - deya Nadalning so'zlarini keltiradi DAZN nashri.