«Barselona» sardorlari Serji Buskets va Jordi Alba o'z maoshining kamaytirilishga rozi bo'lishdi. Ushbu futbolchilarning maoshlari faqatgina joriy mavsumda pasaytiriladi. Ular shartnomada ko'rsatilgan qolgan summani keyinroq olishadi.Buning natijasida "ko'k-anorranglilar" halol o'yin talabini bajarishdi va yangi hujumchi Serxio Agueroni La Liga uchun ro'yxatdan o'tkazishga muvaffaq bo'lishdi.Avvalroq himoyachi Jerar Pike shunday yo'ldan borgani uchun «Barsa» Memfis Depay va Erik Garsiyani ro'yxatdan o'tkazgan edi.