«Barselona» yarimhimoyachisi Pedri kecha bo'lib o'tgan Chempionlar Ligasi 1-turi doirasidagi «Bavariya»ga qarshi o'yinda sonidan jarohat oldi.

Bu haqda klub matbuot xizmati xabar bermoqda. Unda aytilishicha, Pedrining maydonga qaytish vaqti hali ma'lum qilinmagan. Shu bilan birga, futbolchi «Barselona»ning navbatdagi o'yinlarini o'tkazib yuborishi kutilmoqda.

Eslatib o'tamiz, «Barsa»ning navbatdagi uchrashuvi 20 sentyabrda bo'lib o'tadi. Ronald Kuman shogirlari Ispaniya chempionati doirasida «Granada» bilan bahs olib boradi.