Kataloniyaning «Barselona» klubi yulduzi Ansu Fati faoliyatini Angliya Premer-ligasining top-klublarida davom ettirishi mumkin. Bu haqda Todofichajes nashri xabar beradi.Manbaga ko'ra, «Manchester Yunayted» o'z safiga iqtidorli hujumchini olishni xohlamoqda. Klub vakillari bu transferni agent Xorxe Mendes bilan muhokama qilmoqda. «Qizil iblislar» Fatining «ko'k-anorranglilar» bilan tuzilgan shartnomasidan foydalanmoqchi. Shartnoma 2022 yilning yozigacha hisoblangan va tomonlar uni uzaytirish borasida hali kelishuvga erishmagan.Ansu 18 yoshda bo'lib, «Barselona» tarbiyalanuvchisi hisoblanadi. Uning transfer summasi 60 million evroga baholanmoqda.