«Barselona» hujumchisi Ansu Fati La Liganing 7-turida «Levante»ga qarshi o'yinda maydonga qaytishi mumkin.

Tizzasidan olgan jarohatini davolayotgan 18 yoshli futbolchi maydonga to'liq qaytishga deyarli tayyor. Uning «Levante»ga qarshi bahsda maydonga tushishi kutilmoqda.

Ammo, Fati «Barselona»ning navbatdagi ikki uchrashuvida — «Granada» va «Kadis»ga qarshi aniq ishtirok etadi.

Eslatib o'tamiz, Fati jarohati tufayli 2020 yil noyabrdan beri maydonga tusha olmayotgan edi.