Milanning "Inter" klubi yarim himoyachisi Xoqon Chalxano'g'lu jamoasi Chempionlar ligasida g'olib chiqishiga ishonmoqda.

Eslatib o'tamiz, "neradzurrilar" so'nggi marta 2009/10 yilgi mavsumda Joze Mourino boshchiligida EChL g'olibligini qo'lga kiritgandi.

"Mening orzum – Chempionlar ligasida g'alaba qozonish. Bu mavsumda buni uddalay olishimizga ishonaman. Nima uchunligini bilmayman, lekin menda yaxshi tuyg'u bor. Biz juda qiyin guruhdan chiqdik. "Portu" juda kuchli jamoa, ammo "Barselona" bilan o'ynagandek o'ynasak, chorak finalga chiqa olamiz", - dedi Chalhano'glu Il Corriere dello Sport nashriga bergan intervyusida.

O'tgan mavsumda "Inter" Chempionlar ligasining 1/8 final bosqichida "Liverpul"ga umumiy hisobda mag'lub bo'lgan edi.