"Chelsi" yarim himoyachisi Jorjino kelasi yozda erkin agentga aylanishi mumkin. Jurnalist Natan Gissingning so'zlariga ko'ra, “ko'klar” rahbariyati Italiya terma jamoasi futbolchisi bilan hali muzokara o'tkazmayapti.

Jorjinoning o'zi yaqinda bergan intervyusida "Chelsi"da qolish istagini bildirgan va bundan tashqari, klubni yaxshi ko'rishini aytgan. Yarim himoyachi "ko'klar" safida 2018 yilning yozidan buyon o'ynab kelmoqda, u o'z murabbiyi Mauritsio Sarri ortidan "Napoli"dan jamoaga o'tgan edi.

Jorjino erkin agentga aylansa, "Barselona" futbolchini olishga harakat qiladi. “Ko'k-anorranglilar” MLSga ketishi mumkin bo'lgan Serxio Busketsning o'rniga futbolchi qidirishi kutilmoqda.