Himoyachi Inigo Martines Bilbaoning "Atletik" klubidan "Barselona"ga o'tishga yaqin turibdi. Bu haqda Ispaniyaning Sport nashri o'z sahifalarida xabar bermoqda.

Katta ehtimol bilan Inigo Martines yozgi transfer oynasida "Kamp Nou"ga o'tadi. Bu vaqtga kelib himoyachi 32 yoshga to'ladi.

So'nggi yillarda mish-mishlar muntazam ravishda Inigo Martinesni "Barselona" bilan bog'lab turdi. Himoyachi "Atletik"da deyarli besh yildan beri o'ynab kelmoqda. Bu vaqt ichida futbolchi 169 ta rasmiy o'yin o'tkazib, 7 ta gol urdi va 7 ta golli uzatmani amalga oshirdi.

Inigo Martinesning "Atletik" bilan amaldagi shartnomasi 2022/2023 yilgi mavsum oxirigacha tuzilgan.