Joau Kanselu nima uchun "Barselona"ga emas, "Bavariya"ga o'tishni afzal ko'rgani ma'lum bo'ldi.

Sport1.de nashri xabariga ko'ra, "Bavariya" va "Barselona" dam olish kunlarida "Manchester Siti"dan ijaraga olish imkoniyati borligini bilishgan. Kataloniya klubi futbolchining agenti Jorje Mendesh bilan aloqada bo'lgan, ammo futbolchi "Bavariya"ga o'tishni ma'qul ko'rdi, chunki myunxenliklar Chempionlar ligasida ishtirok etadi. Bu nemis klubi uchun hal qiluvchi ustunlikka aylandi.

Kecha portugaliyalik futbolchi "Bavariya" uchun tibbiy ko'rikdan o'tdi. Bugun uning 70 million evroga sotib olish imkoniyati bilan mavsum oxirigacha ijarasi rasman e'lon qilinishi kerak.

Joau joriy mavsum “Manchester Siti” safida barcha turnirlar doirasida 26 ta o'yinda maydonga tushib, 2 ta gol va 4 ta golli uzatmaga mualliflik qilgan. U "shaharliklar"ning so'nggi uchta o'yinini zaxirada o'tkazdi.