Kataloniyaning “Barselona” klubi Ispaniya chempionatining navbatdagi turida rekord o'rnatishi mumkin. Agar jamoa "Kadis"ga qarshi o'yinda o'z darvozasi daxlsizligini saqlab qola olsa, "ko'k-anorranglilar" La Liga tarixida 22 turdan keyin atigi 7 ta gol o'tkazib yuborgan yagona klubga aylanadi.

Eslatib o'tamiz, ayni damda "Barselona" Evropaning top-5 chempionatlaridagi barcha klublar orasida eng yaxshi himoyaga ega. Xavi Ernandes shogirdlari 21 uchrashuvda 7 ta gol o'tkazib yuborishgan.

“Barselona” ayni damda ikkinchi o'rindan 11 ochko ko'p to'plagan holda chempionatda peshqadamlik qilmoqda.