“Manchester Yunayted”ning chap qanot himoyachisi Lyuk Shou jamoasining Evropa ligasida g'olib chiqish niyati borligini ma'lum qildi.

Turnirning 1/8 finalida “qizil iblislar” kataloniyalik “Barselona” klubiga qarshi bahs olib boradi. Birinchi o'yin bugun "Kamp Nou"da bo'lib o'tadi.

“Biz bu sovrinni qo'lga kiritishni istaymiz. Avvaliga “Barselona”ga qarshi chiroyli stadionda o'ynashimiz kerak. Biz o'yinga to'liq tayyormiz", — dedi Shou “Manchester Yunayted” rasmiy saytiga bergan intervyusida.

Eslatib o'tamiz, “qizil iblislar” bungacha Evropa Ligasida g'alaba qozonishgan. Bu 2017 yilda Joze Mourino boshchiligida sodir bo'lgandi. 2021 yilda jamoa ushbu turnirning finalida o'ynadi va u erda "Vilyarreal"ga penaltilar seriyasida mag'lub bo'ldi.