Madridning “Real” klubi bosh murabbiyi Karlo Anchelotti chorshanba kungi Chempionlar ligasi doirasida “Liverpul”ga qarshi o'yinda hujumchi Karim Benzemani asosiy tarkibda maydonga tushirmaslik haqida o'ylamoqda.

Eslatib o'tamiz, "Real" "Enfild"da o'tkazilgan birinchi o'yinda 5:2 hisobida g'alaba qozongan, Benzema dubl qayd etgandi.

Evening Standard nashri xabariga ko'ra, Benzema jarohatidan to'liq forig' bo'lmagan, shu bois "Liverpul"ga qarshi o'yinda u jarohatini qaytalab olishi mumkin. E'tiborlisi, "mersisaydliklar" bilan o'yindan bir necha kun o'tgach, "Real" chempionat doirasida "Barselona" bilan "Kamp Nou"da uchrashishi kerak.

"Real" hozirda La Ligada "Barselona"dan 9 ochko ortda qolmoqda.