"Barselona" hujumchisi Ferran Torres faoliyatini Angliya Premer-ligasida davom ettirishi mumkin.

Fichajes nashrining xabariga ko'ra, ispaniyalik hujumchi Londonning "Tottenxem" klubi qiziqishlari doirasida.

“Ko'k-anorranglilar” Ferran bilan xayrlashish istagini yashirishmayapti, ingliz tomoni esa bundan foydalanishga tayyor.

Torresning "Barselona" bilan shartnomasi 2027 yilning o'rtalariga qadar tuzilgan. Futbolchining transfer narxi 30 million evro.

Ispaniya chempionatining joriy mavsumida Ferran 25 ta o'yin o'tkazib, 3 ta gol va bitta golli uzatmaga mualliflik qilgan.