"Barselona" hujumchisi Robert Levandovski "Jirona"ga qarshi kechagi La Liga o'yinida qatnashishga to'liq tayyor emas edi. Eslatib o'tamiz, uchrashuv golsiz durang bilan yakunlandi.

Jurnalist Roman Koltonning so'zlariga ko'ra, polshalik hujumchi o'yin oldidan mashg'ulot o'tkaza olmagan va uning o'yindagi ishtiroki butunlay so'roq ostida qolgan. Futbolchining belida muammolar bor edi, ammo shifokorlar hujumchiga maxsus kamar taqib Robertni maydonga chiqarish yo'lini topdilar.

Eslatib o'tamiz, Levandovski 24 uchrashuvda 17 ta gol va 6 ta golli uzatma bilan La Liganing eng yaxshi to'purari bo'lib turibdi. Robert "Bavariya"dan ko'chib o'tgandan so'ng "Barselona"dagi ilk mavsumini o'tkazmoqda.