«Barselona» bosh murabbiyi Xavi «PSJ» hujumchisi Lionel Messining Kataloniya jamoasiga qaytishi mumkinligi haqida gapirdi.

«Messi? Men so'nggi mish-mishlardan xabardor emasman. Men ishlashim va transfer oynasi haqida emas, ertangi o'yin haqida o'ylashim kerak. Hozir Messi haqida gapirishning vaqti emas», — dedi Xavi.

20 aprel kuni kataloniyaliklar Messiga 2025 yilning yozigacha mo'ljallangan 25 million evrolik maosh bilan shartnoma taklif qilgani haqida ma'lumot paydo bo'ldi.

35 yoshli hujumchi 2005 yildan 2021 yilgacha Kataloniya klubida to'p tepgan. U «Barselona» safida 778 ta o'yinda maydonga tushib, 672 ta gol urgan va 303 ta golga assistentlik qilgan.

Messining «PSJ» bilan amaldagi shartnomasi 2023 yilning yoziga qadar amal qiladi.