"Real Madrid" bosh murabbiyi Karlo Anchelotti "Barselona" nohaq La Ligada 11 ochko bilan peshqadamlik qilayotganiga sha'ma qildi. Eslatib o'tamiz, chempionat yakunlanishiga 8 ta tur qoldi.

"Menimcha, "Barselona"ning 11 ochko ko'p to'plagani haqiqatni aks ettirmaydi. O'yinlar davomida biz sifat bo'yicha birinchi o'rindan juda ortda qoldik deb aytish mumkin emas", - dedi Anchelotti matbuot anjumanida.

Eslatib o'tamiz, "Real Madrid" 6 may kuni "Osasuna" bilan finalda o'ynaydigan Ispaniya kubogida g'alaba qozonish imkoniyatini saqlab qolgan. Chempionlar ligasida Karlo Anchelotti shogirdlari yarim finalda “Manchester Siti”ga qarshi maydonga tushadi.